вторник, 2 октября 2012 г.

19 Խորհուրդ Մ.Հ. -ից


  1. Զգուշացեք այն մարդկանցից, ովքեր ձեզանից շատ են շահագռգռված ձեր հաջողությունների համար: Մ.Հ.
  2. Մի վստահեք նրանց, ովքեր ձեզանից լավ են պատկերացնում ձեր երազանքները: Մ.Հ.
  3. Երբ ձեզ աջակցության առատ խոստումներ են տալիս, զգուշացեք, դուք մենակ եք դիմագրավելու խնդիրները: Մ.Հ.
  4. Բոլորը կարծում են, որ իրենք կարող են փոխել աշխարհը, բայց դա անում է նա, ով ի վերուստ է կանչված դա անելու: Մ.Հ.
  5. Կատարեք ներդրումներ ուրիշների երազանքների մեջ, երբ նրանց երազանքը իրականանա, կկատարվի նաև ձերը: Մ.Հ.
  6. Երբ մարդիկ, ձեր կյանքում կատարում են փաստացի ներդրում, դա ձեր նկատմամբ տածած՝ նրանց սիրո գործնական ապացույցն է: Մ.Հ.
  7. Ես գերադասում եմ տեսնել Աստծուն ձեր մեջ և ոչ թե պատկերացնել Նրան երկնքում: Մ.Հ.
  8. Ժամանակակից քրիստոնյաների աղոթքը, նման է հեռախոսային հաղորդագրությունների: Մ.Հ
  9. Քրիստոնյաների մեծամասնությունն այսօր շփոթում է փարիսեցին՝ Փարիզեցու հետ:Նրանք կարծում են, որ «Փարիզեցի» լինելը լավ բան է: Ինձ մտահոգում է նրանց այդ ձգտումը: Մ.Հ
  10.  Հաճախ, երբ ձեզ պատասխանում են «Տերը կամի», հիշեք, դա քրիստոնեական մերժման «Ոչ» տարբերակն է: Մ.Հ.
  11. Հաճախ, « Ես կաղոթեմ քեզ համար» արտահայտությունը նշանակում է՝ «դու ինձ ձանձրացնում ես»:  Մ.Հ.
  12. Հաճախ, Երբ ձեզ խնդրում են՝ « աղոթիր ինձ համար», դա նշանակում է, «օգնիր ինձ»: Իսկ երբ ձեզ պատասխանում են «ես կաղոթեմ քեզ համար» դա նշանակում է, «ես չեմ կարող քեզ օգնել»: Մ.Հ.
  13. Նա, ով իսկապես  սիրում է ձեզ, ձեր կյանքի բեմահարթակում կանգնած կլինի վարագույրի հետևում, անտեսանելի՝ ինչպես  պահապան հրեշտակը: Մ.Հ.
  14. Քրիստոնեական սխալ ըմբռնում. Երբ «հարուստ՝ օրհնվածը» խորշում է աղքատից, դա նշանակում է, որ իրականում հարստությունն է անեծք, և ոչ թե աղքատությունը: Նման հավատակիցներին խորհուրդ, վերընթերցեք Հակոբոսի ուղերձը: Մ.Հ.
  15. Քրիստոնեական համատարած սխալ: Հաճախ, երբ  ձեր մտերիմները թույլ են տալիս, որ դուք միայնակ հաղթահարեք փորձությունը, դա չի նշանակում, որ դուք իսկապես միայնակ եք հաղթահարելու այն:  Դա պարզապես նշանակում է՝ « Դա քո խնդիրն է, ինձ ինչ, ինձ ավելորդ խնդիրներ պետք չեն»: Մ.Հ.
  16.  Հաճախ, երբ թվում է, թե դուք փորձության մեջ եք՝ քաջալերվեք, իրականում Տերը փորձում է ձեր մտերիմներին: Մ.Հ.
  17. Մի կիսեք ձեր հաղթանակները նրանց հետ, ովքեր չէին հավատում, որ դուք կհաղթեք: Մ.Հ.
  18. Երբ կյանքի մի փուլում դուք նման եք բոժոժի, ձեզանից կխորշոմեն, բայց երբ դուք վերափոխվեք թիթեռնիկի, այդ նույն մարդիկ նախանձից կպայթեն: Դա նման է Քրիստոսի հարությանը: Մ.Հ.
  19. «Բարեկամս»,այսօր նույնպես,  ես մտադիր եմ հրամցնել քեզ՝ իմ անկեղծությունը:  Մ.Հ.
Հեղինակ на

Комментариев нет:

Отправить комментарий

Подписаться на: Комментарии к сообщению (Atom)