Լուրջ առաջարկ հանրապետականներին

Ախր էս երկրի չարիքը դուք եք, որ ծծում եք ժողովրդի արյունն ու ձեր անհագ ագահությամբ պառազիտի կյանք վարում: Ախր ընտրություններում էնքան գումար եք ծախսում, որ կարելի էր լուծել արտաքին պարտքի՝ արդեն չորս միլիարդ ու եսիմ ինչքան միլիոնի մարման խնդիրը: Կերել՝ կերել եք, չեմ ասում քթներիցդ գա, ուղղակի արտաքնոց չկարողանաք գնալ: Չաղացեք:

Լսեք ուրեմն

1. Խոստովանեք, որ որկրամոլ եք ու ուտել չգիտեք, իսկ ժողովուրդը, որ էսքանը ձեզ ներում է, էդ մի արատն էլ կների: Մենք էլ ազգովի կմտածենք ձեր կերածը ջրելու մասին: Չնայած որ ուրիշ դարդ ունենք:
2.Դուք, էն փողերից, որ դեռ չեք կերել, ժողովրդի մի որոշ զանգվածի համար ուղետոմս կգնեք Բաթում, թող մի ամիս՝ երկուս, ժողովուրդը ձեր թսի հոտից հանգստանա, մաքուր օդ շնչի, իսկ դուք կհայտարարեք, թե երկիրը դատարկվել է ու աշխատուժը հեռացել, մի խոսքով՝ ձեր փողերը չենք կարող վերադարձնել:
3. Հաջորդը, ուրեմն դրանից հետո՝ վռազ բարեփոխում եք հարկային դաշտը ու մանր բիզնեսին պոլնի պռախոդ տալիս

4 Բազմազավակներին թափով քաջալերում եք՝ ավտո, տուն, գույք և այլն, որ երկրի դեմոգրաֆիկ խնդիրը լուծվի:
5. Շիրակի մարզի գործազրկության հարցն եք լուծում, որ չասեք թե աղքատ են էս են, էն են, կամ ծույլ են չեն ուզում աշխատել: Կարող եք 4500 անոթևանների բնակարանային խնդրով սկսել, մինչև գործարաններ կառուցեք՝ չէ, ձեր սեփականը չէ, այլ ժողովրդինը:
6. Շտապ բեռնաթափում եք Երևանը՝ առնվազը մի քանի նախարարություններով և դրանք տեղաբաշխում մարզերում, որ երկիրը հավասարաչափ զարգանա
7 Ուրեմն, էլի լիքը բաներ կան, բայց քանի որ էս 6 կետը հաստատ չեք անելու, ապա մտածեք, նստեք տանեցոնց հետ քցեք-բռնեք, բարդանները դասավորեք ու ելաք ու .... , մի խոսքով գաղթեցիք:
Իսկ ազատ մամուլի ու խոսքի ազատության համար ձեզանից մերսի, թե չէ էսքանն ասողն ով էր: Հեն է կհայհոյեինք ու պրծ: