Կաթողիկոսն ու ծաղկի բիզնեսը

Մեկը մյուսի հետ կապ չունի արդյո՞ք, եսի՞մ: Պարզապես մի պահ մտածեցի, ինչո՞ւ շատացան մեռելոցները, միգուցե այն պատճառով, որ ծաղիկը տարվա մյուս օրերին լավ չի վաճառվում և դրա համար պետք էր մի ելք գտնել, տոներ կամ մեռելոցներ: Գրածիս տակ բան չփնտրեք, պարզապես բարձրաձայն մտածեցի: Ինչո՞ւ է այսպես:
Միայն մեռելոց հիշատակի օրերին է, որ մեր ննջեցյալներն իսկապես մեզ համար «թանկ» են դառնում: Մի մեխակի գինը հասնում է մինչև 300 դրամի: Կարծեմ ծաղկի բիզնեսը երրորդ տեղն է գրավում աշխարհի ամենաեկամտաբեր բիզնեսի շարքում:
Ասում ենք՝ երկիրը երկիր չի, բայց պիտի ասենք՝ մարդս մարդ չի, երկիրն այստեղ ոչ մի կապ չունի: Ազգ սիրող ու ազգի համար մեռնող ժողովուրդ ենք: Ու էսօր որ ծաղկավաճառներին ձեռք չմեկնենք, նրանք էլ կարտագաղթեն: Օգնենք մեկս մյուսին՝ բարձրացնենք «ոմանց»:

Նյութի աղբյուր՝ http://www.facebook.com/mamikon.hambaryan/posts/516059805102101

Հրապարակվել է blognews.am կայքում

http://blognews.am/arm/news/47138/katoxikosn-u-tsaxki-biznesy.html